Participación de AGAEC na Campaña de Outono con actividades infantís na Praza Roxa

O pasado sábado, día 11 de outubro, a Asociación Galega de Arte e Cultura (Agaec) participou na xornada "Aprender Xogando" organizada pola Fundación Santiago Centro, dentro dun programa de dinamización do Ensanche, que tenta recuperar e anumar a rúas do centro de Santiago para vecños e visitantes.

Inauguración do programa Sinestesia no Lar Galego de Sevilla 27 e 28 de setembro

Reseña no Ideal Galego (5/10/2008)

Presentación do Programa ca Presidenta do Lar Galego de Sevilla.

Público asistente á mostra.

Concerto de Xoán Curiel, sábado 27 de setembro.

Ensaio do recital poético (Pepa Nieto, Rafael Villar, e á guitarra, Xoan Curiel), 28 de setembro.

Xornada "Arte e Compromiso: Castelao e as artes plásticas" La Voz de Galicia, 24-09-08

Visita guiada á Exposición de Joseph Beuys

Aquí tendes a foto de grupo da visita guiada de onte á exposición "Múltiples" de Joseph Beuys, na Fundación Caixa Galicia de Santiago de Compostela.

Presentación do disco "Nai" de Xoán Curiel Xoves 18 de setembro, Teatro Principal de Santiago

Xoán Curiel, cantautor que participa con AGAEC no programa Sinestesia en Sevilla, presenta o seu primeiro disco "Nai", con composicións propias en galego. Este é un traballo dedicado á figura da muller e con influencia de ritmos e sons de todo o mundo (galegos, árabes, subsaharianos, afrobrasileiros e pop).
Dita presentación levarase a cabo o xoves 18 de setembro no Teatro Principal de Santiago, ás 21 horas. O custo da entrada é de 5 euros.
Dende AGAEC ofrecémonos a reservar as entradas a aqueles que estedes interesados en ir, tendo como plazo o 15 de setembro para facer dita reserva no correo agaec2004@yahoo.es
Podedes escoitar algunhas cancións do disco nos seguintes enlaces:
http://www.xoancuriel.com/
www.myspace.com/xoancuriel

Inauguración "Caramiñeira" na Pobra do Caramiñal

Como sabedes o pasado sábado día 5 de setembro inaugurouse a mostra colectiva de membros de AGAEC chamada "Caramiñeira" na casa mariñeira da Pobra do Caramiñal. Nela estivo presente a concelleira de cultura Encarna González Montemuíño así como moitos dos artistas participantes. A exposición permanecerá aberta ata o 19 do mesmo mes.
Recollida das obras: venres 19 en horario de 11 a 13:30 e de 18 a 20:30 horas.

"Arte e Compromiso: Castelao e as artes plásticas" Museo do Pobo Galego 23 de setembro

O próximo 23 de setembro, no Museo do Pobo Galego, en horario de 17 a 21h, levaranse a cabo unha serie de conferencias e mesa redonda baixo o título "Arte e Compromiso: Castelao e as artes plásticas". Os ponentes convidados por AGAEC son: Avelino Pousa Antelo, Isaac Díaz Pardo, Antón Sobral e José Manuel López Vázquez. Convidámosvos a todos a asistir.

"Sinestesia" Lar Galego de Sevilla (27 setembro-19 outubro)

O próximo 27 de setembro, ás 20h00, inaugurarase no Lar Galego de Sevilla a mostra colectiva Sinestesia. Tras a inauguración o cantautor galego Xoan Curiel dará un concerto e, o domingo 28, dous poetas socios desta entidades, Pepa Nieto e Rafael Villar, serán os encargados de amenizar a tarde cun recital de poesía. A mostra colectiva poderase visitar ata o 19 de outubro.

Visita guiada á Exposición de Joseph Beuys na Fundación Caixa Galicia de Santiago de Compostela o dia 16 de setembro

Os interesados en participar na visita en grupo guiada programada para o día 16 de setembro as 18 horas podedes apuntarvos para ata a mañá do mesmo día no correo electrónico agaec2004@yahoo.es

Exposición colectiva "Caramiñeira" na Pobra do Caramiñal (5-19 de setembro)

A Casa mariñeira da Pobra acollerá unha exposición colectiva de 36 obras de pintura, escultura e tapiz, en colaboración coa Asociación Galega de Arte e Cultura (AGAEC) con sede en Santiago de Compostela.
A inauguración da mostra será o próximo día 5 de setembro as 20h e rematará o día 19 do mesmo mes.
O título desta mostra, ven da asociación que tradicionalmente se fai do nome de Caramiñal cunha planta arbustiva espiñosa chamada “Caramiña” ou “Caramiñeira”, nome vulgar da “Corema Album”, no pasado moi común nesa zona da costa.
Artistas que participarán:
Mª Carmen Calviño, Carita Dubrovin, Marina Fernández, Marisa Fraga, Aurora G.Pombo, Sara Garrote “Chuca”, Laiño, Fran Lareo, Teresa López Ameijeiras, Pepa Mariño, Julio Mirás, Manuel Nieto, Vicente Ruiz, Carmen Sevillano, Mª del Carmen Torres Maroño e Javier Torrón.
AGAEC é unha entidade sen ánimo de lucro, que ten como finalidade difundir e promover a arte e a cultura, especialmente a galega, en todas as súas manifestacións. Está formada por corenta e cinco artistas plásticos e poetas que traballan cunha intención principalmente didáctica e participativa, tratando de abrir novos canles de intercambio con outras comunidades e países.